UBICACION
 

QUESO TETILLA

Galicia é terra gandeira e láctea. Un país e unha paisaxe que son berce de extraordinarios queixos elaborados en aldeas desde os tempos máis remotos, aproveitando enormes pastos e selectos gandos.
É tradición a que produce maravillas como o Queixo Tetilla D.O.P. . Un orgullo para a terra que soubo crealo e telo como un alimento básico e exquisito, que transmitiu de xeración en xeración o segredo do seu bo facer. Hoxe en día, as maneiras artesáns continúan presentes, pero con tódalas garantías que o actual mundo da alimentación esixe.

A imaxe e presencia tan característica do Queixo Tetilla D.O.P. e o seu sabor especial, configúranse como unha das apostas máis orixinais do Sector Lácteo Galego.

Co fin de controlar e protexer a producción do Queixo Tetilla D.O.P. , ó obxecto de que manteña as tradicionais características que fixeron del un dos productos máis emblemáticos de Galicia, a Xunta de Galicia, inicia os trámites para a obtención da Denominación de Orixe Queixo Tetilla, aprobando o seu regulamento en 1.993 por orden da Consellería de Agricultura, Gandería e Montes e ratificado polo Ministerio de Agricultura, Pesca e Alimentación. En 1.996 otórgaselle a protección Europea.

 
 
 

DESCRIPCIÓN DO PRODUCTO

Obtido a partir de Leite de Vaca producida no territorio nacional da Comunidade Autónoma Galega e sempre con procedencia das razas Frisona, Rubia Galega e Pardo Alpina sometidas a escrupulosas normativas sanitarias, de explotación e de elaboración, que alcanzará ó termo da súa elaboración as súas características propias.

Forma sempre cónica e con un peso entre 0,7 e 1,2 Kg.
Corteza apreciable, fina e elástica con cor amarela pallizo natural.
Pasta blanda, cremosa e uniforme con poucos ollos e cor marfil.
Aroma suave e en conxunto recorda á leite de que procede.
Sabor lácteo, manteigoso, lixeiramente acidulado e con un salgado suave.

CONSERVACIÓN E CONSUMO

Recoméndase conservalo na parte baixa do frigorífico e sacalo unha hora antes de servilo coa finalidade de que recupere o seu auténtico sabor e textura. Debido as súas características, funde con facilidade e é un complemento ideal para aqueles pratos que precisen de algún queixo fundido.
Aconséllase degustalo acompañado de viños galegos: Albariño, Ribeiro, Rosal, Mencía, Godello, etc...
Como Postre, é tradicional acompañalo con mel ou membrillo.